ЗАХМИ ЗАБОН ...
Забони сурх сари сабзро диҳад барбод...
Лоиҳаи "Озодӣ - дар қафас"
Номи қаҳрамон барои ифшо нашудани шахсияташ иваз карда шудааст.
1
Забони сурх сари сабзро диҳад барбод...
Ин мақол бозгӯи он аст, ки Нафиса қурбони захми забон шудааст. Нафиса ном бонуе, ба мо мактубе ирсол кард, ки дар он мактуб оиди саргузашти дардноку ғамгинаш қисса шудааст.
Дар вақти сӯҳбат Нафиса бо як матонату шуҷоат оиди саргузашти дардноки худ қисса карда гуфт: “Ман 10 сол мешавад, ки оиладор ва соҳиби се фарзандам. Шавҳарам ба ман меҳрубону ғамхоранд. Вале афсӯс хоҳарони шавҳарам ва модарашон маро аз ҷонам сер кардаанд. Намедонам барои кадом гуноҳам онҳо маро тинҷу осуда намегузоранд. Дар ёд дорам вақте арӯси ба чилла будам, хоҳари калонии шавҳарам маро масхара медод. Ҳар саҳар вақти ҳавлирӯбиам ба ман халал расонида ё баракс хӯроки чорворо (коҳ) рӯи ҳавлӣ пош медод.
Ман наонқадар инро ҷидди меҳисобидам. Баъдан рӯз то рӯз ин муносибатҳо баътар мешуд. Боре шавҳарам аз кӯча омаданду ман да рӯи ҳавлӣ нишаста будам. Шавҳарам аз дӯстдории зиёд маро “азизам пазмонат шудам”, гӯён наздам омада оғӯш гирифтанду аз пешониам бӯса карданд. Баъди як лаҳзае модари шавҳарам аз хона баромада доду фиғон бардоштанд. Ба гуфти хушдоман гӯё ман шавҳарамро бо “ҷодугарӣ” аз они худ карда бошам...
Баъзан дар оилаҳо худи хушдоман ва хохарони домод низ сабабгорӣ ҷанҷолҳо мегарданд. Баҳудаву беҳуда келинро дашном медиҳанд. Гӯё фарзанди худро аз келин рашк мекунанд, ки ин низ ба вайроншавии оилаҳо оварда мерасонад.
2
Аз гуфтаҳои Нафиса бар меояд, ки хушдоманаш дар ҳақиқат Нафисаро бад медидааст. Ба гуфти Нафиса шавҳараш бади фарзанди якум тавлид шудан соли 2011 ба Россия сафар карда буд. Хуллас ҳар даме, ки шавҳараш ба Россия мерафт, хушдоман ва хохарони шавҳараш Нафисаро азоб медоданд. Ба гуфти Нафиса хохари калонии шавҳараш аз шавҳараш ҷудо шудааст. Мудом Нафисаро мегуфтааст, ки “ чихеле ки ман хушбахт нашудаму маро хушдоманам азоб медод, акнун мо туро ҳаминтавр азоб медиҳем”...
-Ба фикри ман зане, ки дар зиндагӣ, яъне дар давраҳои арӯсияш аз хушдоман ранҷу озори бисёр мебинад, ӯ низ ба келинаш чунин ранҷу азобро раво мебинад, ки инро як навъ қасд гирифтан мегӯянд. Ҳол он ки хушбахтии писари мо дар дасти келин асту , келин тарбиятгари наберагони мо ҳасту мададгори аҳли оилаи мо. Ин ноадолати ва мояи асосии зӯровари дар оила аст. Хушдоман набояд келинро озор диҳад.
Ҳасанова Шуҷоат
Раиси Шӯрои машваратии иттиҳодияҳои ҷамъиятии вилояти Суғд
3
| Нафиса мегӯяд “аз байн 10 сол гузаштаистодааст, вале ҳанӯз маро бад мебинанд. Борҳо дар ёд меорад, ки то чӣ андоза ҳангоми ҳомиладор буданаш нисбаташ зӯроварии равони мекардаанд. Хохари хурдии шавҳараш гарчанде оиладор шудабошадҳам, аммо ҳолоҳам Нафисаро тинҷ намемондааст. Ҳар вақте, ки модарашро аҳволпурсӣ биёяд фақат Нафисаро таҳқир мекардааст... |
4
Видеороилики мазкур оид ба сабабҳои пайдоиш, оқибатҳо ва пешгирии зӯроварӣ нисбати занон дар оила буда, коршиносони ботаҷриба ва намоёни вилояти Суғд андешаҳои худро нисбат ба ин мавзӯъ баён кардаанд.
5
Захми забон...
Лоиҳаи "Озодӣ - дар қафас"
Нафиса гуфт: “ман бо ин қиссаи худ, ки гирдоби ғаму дардам ба хонандагон муроҷиатам ҳамин аст, ки набояд ба чунин бедодгариҳо роҳ дод. Ман танҳо мехоҳам, ки адолат дар ҳар як хонадон бошад. Ман барои се фарзандам тоқат мекунам. Шавҳарам ҳам инсони хуб ҳастанд. Зеро миёни ман ва модару хохаронашон ҳеҷгоҳ намедароянд. Шавҳарам ба ман фақат якчиро хуб фаҳмониданд. “Нафиса агар зиндагии орому осударо хоҳӣ сабр кун... сабр...”
Ман албатта барои ояндаи фарзандон ва шавҳарам сабр мекунам. Шояд ҳамачӣ пушти сар шавад. Аммо захми забон аз тири камон ҳам бадтар будааст...
Мусоҳиба
Оё муроҷиат аз ҷониби келинҳо оиди хушунати хуштоман дар оила шудаистодааст?
6
Лоиҳаи
"Озодӣ - дар қафас"
"Озодӣ - дар қафас"
Маводи мазкур бо дастгирии Иттиҳоди Аврупо таҳия шудааст.
Масъулияти муҳтавои он ба зиммаи ҶДММ ШТРР "Тирози Ҷавонӣ" вогузор шуда, мавқеи Иттиҳоди Аврупоро инъикос намекунад”
7
